qosıq
Keń dalam
Bayniyaz QayıpnazarovQıya shólde, qum ishinde qulpırgan,
Magan jánnet ósken jerim keń dalam,
Aydın jolda alga qaray umtılgan,
Hallas urgan júregime ten dalam.
Meniń mına gúlge qumar kewlimdi,
Jaynap turgan gúller menen kóm dalam, Xosh iyisli gúl qandırsa miyrimdi,
Ishsem suwiń, jutsam hawań em dalam.
Jetildirip ushırganıń esimde,
Qonar bolsam altın uyam sen dalam,
Mehir suwın iship ósken tósinde,
Jelkildegen bir gıyańman men dalam.
Aqıl, uqıp, bilek kúshim sen ushın,
Miynet etsem sagan tamar ter dalam, Jıralarıń óz úyimdey men ushın,
Qumlarıńnıń etegi de tór dalam.
Keleshegiń kóz aldımda tolayım,
Búgingige salıp turman ser dalam,
Mende sendey bir jazılıp alayın,
Kókiregime keńligińdi ber dalam.