qosıq
Megzer
Berdaq Ǵarǵabay ulıMánjiwli, beksıyıq miner kemege,
Háddine baq bizdi qońırat demege,
Qızlardıń shıǵadı gewirek jemege,
Seniń sallanısıń sálbige megzer.
Qońıratta Ǵaniybay malǵa ǵanıydı,
Erejep sınshıńız kisi tanıydı,
Biyleriń bir-birin sırttan sayıydı,
Ibrayım Allashıń shaytanǵa megzer.
Biy bolıp qıtayda Pazılbek ótti,
Qońırat Ernazarǵa kóp qaslıq etti,
Puxarası tozıp tum-tusqa ketti,
Malını gúrt alǵan shopanǵa megzer.
Ulıs ulamadan buzılsa neter,
Iyshannıń ibiliske dáris úyreter,
Kelinniń bóksesin shımshılap óter,
Ulamań ibilisten azǵana megzer...