qosıq
Qara túptiń qırmanında
Berdaq Ǵarǵabay ulıQara túptiń qırmanına,
Berdaq baqsı miyman boldı.
Toǵız batpan qızıl tarı
Jigitlerden inam boldı.
Men júrmen elge qaytalmay,
Jigitler boldı shaytanday,
Qoldawlıǵa qosıq aytalmay,
Kókirekke árman boldı.
Qara túptiń qırmanı shoq,
Yalǵanshınıń qayǵısı kóp,
Tarı túwe dángil de joq,
Tarı qırman-qırman boldı.
Beknazarı beglik etti,
Siyserige kúshi jetti,
Qalǵan jaǵı qayda ketti?
Aqır túbi yalǵan boldı.
Tarı sabanı artqanı,
Arman-berman jortqanı,
Ata jolına tartqanı,
Merekesi wayran boldı.
Áwelha paylasıp aldı,
Qırmanshıǵa salıq saldı,
Serekesi bermey qaldı,
Bul isi dım jaman boldı...