qosıq
Dońız qabaq
Kúnxoja Ibrayim ulıQulaq salıńlar aytaman,
Kúnde talap qip qaytaman,
Mina sózdi molaytaman,
Xalıqqa málim dońız qabaq.
Anaw kun ǵaplette jattım,
Dushpanımdı baylap attım,
Shoshqa keldi qılın tarttım,
Shalqip ketgi dońız qabaq.
Men jatırman qılın tutqan,
Talap etip qurıp jatqan,
Shoshqanı qoymay qorqıtqan,
Ulken qural dońız qabaq.
Kórmeseńizler karamat,
Dushpanlarǵa kóp malamat,
Shıǵarǵanǵa kóp rahámet,
Ulken qural dońız qabaq.