Jaw torǵay

Jaw shımshıq juda kóp boldı, Juwerimdi jep boldı, Qarnına barıp nup boldı, Bayan etsem, jaw torǵaydı. Arbalap tógin tókkendey, Taqıyalap tuxım sepkendey, Asımdi jep, bir ekkendey, Ne qilaman, jaw torǵaydi? Dandi sewip, mushikm tuye... Baratır ishlerim kuye, Miynetime boldı iye, Ne qılaman, jaw torǵaydı Ekken tarım boldı ushıq, Islerim boldı qıyırshıq, Xar juwerige bir shimshiq, Ne qılaman, jaw torǵaydı Jaw torǵay andı — aldırdı, Esimdi jane taldırdı, Napaqadan da ayırdı, Ne qilaman, jaw torǵaydı Aytayın endi sózimdi, Soldırar mınaw juzimdi, Ushırmasam shokir kózimdi, Murdar nalet jaw torǵaydi. Ushırsam duw da duw boldı, Maǵan bir jaman jaw boldı, Aldıma qurǵan aw boldı, Ne qilaman jaw torǵaydı?