Yaranlar

Kórgen soń tınarma Kunxoja sózi, Inǵlar bul azaptan adamnin ozi, Balalardıń ana dep bul aytqan sózi, Bul sózime qulaǵıń sal, yaranlar. Alla bizdi eńiretti, jılatt', Saw denemdi tespey sorıp qanattı, Qaysı eller, qaysi shahlar abattı, Qulaq salıń bul sózime, yaranlar. Jılap-jılap shıraq larım óshpedi, Bul istiń taǵdirin kimler sheshedi, Yıǵlay-yıǵlay sorli kuni keshedi, Ne qılarman endi bunı, yaranlar. Zar jılap otır ǵoy úyimniń ishi, Meniń jayım jer tóleniń muyeshi, Eki ul bar aǵa ózimnen kishi, Ne qilaman endi buni aǵalar. Jılaydı biyshara anası aytıp, Dart ustine jáne dártti molaytıp, Jurermen dúnyada aǵalar aytıp, Bir basqa bir sawda tusti, yaranlar. Bul basım berk eken, jarılǵan emes, Zalımlardın kuni tarılǵan emes, Bizlerden dushpanlar sarılǵan emes, Dushpanlarǵa baxıt berdi yaranlar. Bul duniya ógersen, aqırı panı, Aldadiń qiyadan jol salıp, meni, Saw bolsa adamnıń, aǵalar deni, Bir basqa bir sawda boldı, yaranlar. Jetimler telmirip jerdi qazarlar, Meniń bulgenimdi kimler jazarlar, Mehmin qulǵa bermes edim azarlar, Bir basqa bir sawda boldı, yaranlar. Bul duniyaniń opası joq biypayan, Ol ázine senin áwelden ayan, Ilaya dushpanlar etpegey ziyan, Bolmasa hal qıyın boldı yaranlar. Zaman tar, aǵalar qulaq salsańız, Menin bergen aqmlımdı alsańız, Tilegimdi doslar qabıl qılsańız, Alla amanatın alǵay yaranlar. Bul zaman tarıldı waqtım ót endi, Ne qılayın aytip endi bótendi, Men sorlı zar jılap, hayran etedi, Bir basqa bir zaman boldı, yaranlar. Tenizde aw salsan, hargiz baliq joq, Dizemde dimarım, belde halim jok, Men sorlıǵa, ǵáriplerge jarıq joq, Qaranǵı dumanda qaldım, yaranlar, Zaman tarqlıp tur, aspan tutılıp, Taba almadim joldı barha umtılıp, Zalım sebebinen armanda bolıp, Bir basqa bir sawda boldı, yaranlar. Bul zaman tarıldı, keyni bolmadı, Zalımlardiń qızıl guli solmad, Kewiliniń waqıtı-xoshı bolmadı, Basqa aqırzaman tusti, yaranlar. Men jılayman zar-zar etip allaǵa, Dushpanlar qanıqdur, quran, ollaǵa, Tıńla sózlerimdi Jiyemurat aǵa, Bir basqa alamat boldi, yaranlar. Bul zamannıń garti palek pe, rat pe, Yaki ishten ketpes tawsmlmas dart pe, Puqaralar qısıwmet shegiwi shart pe, Bir basqa zamana boldm, yaranlar. Bayǵa jurse jarlı haqın alalmay, Oynap sonnan jaslar shalqıp jure almay, Bir ketkenler el diydarın kóre almay, Bir basqa bir zaman boldı, yaranlar. Jetkersin allaǵa bende nalasın, Taba almay jur izlegenler panasın Qara jer alǵan son ata-anasın, Bir basqa ǵamgunlik keldi, yaranlar. Qudayım áyleyin aslını barbat, Xor bolmp tur bul zamanda hasıl zat, Sonıń ushın bir allaǵa minajat, Etemen zar jılap, endi, yaranlar. Yaranlar sóz tińlap qulaq salmaǵa, Qast etken dushpannıń aqlın almaǵa, Shın jánnetke dosıń menen barmaǵa, Qolın bılǵa, joldı silte, yaranlar. Tınlan menin pida arzı-halımdı, Oziń jetkergeysen ırısqalımdı, Qıynap zalım meniń shıbın janımdı, Ata-anamdi jerler kushtı, yaranlar. Wa, dariqa, bul dunyada qiziq joq, Ǵariplerde ázizlik bar, buziq joq Baygiden etgerge belli sızıq joq, Alamat, balamat boldı, yaranlar. Soniń ushın bul dúnyada yıǵlarman, Azap bilen qana baǵrım daǵlarman, Qashan waqtım, baxtım kelip shaǵlarman, Adamnıń ruxı gada, yaranlar. Ajayip sawdalar tusti basıma, Quda rehim etkey aqqan jasıma, Kelse de ne qilsın tuwǵan qasıma, Bir basqa bir zaman boldı, yaranlar. Haqqa kunde dadı-paryad etermen, Baq kelmese, árman menen ketermen, Azap penen sum duniyadan etermen, Otpesime guman barma, yaranlar. Bul zaman tar qildi, tartıldı tanap, Ómirimnin azabın bolmaspan sanap, Jurmedim aǵalar bir maydan shaǵlap, Bul duniya aqıret boldı, yaranlar. Dushpanǵa sırınnı qılmaǵıl ayan, Uzaq ómirine eterler ziyan, Shaǵıp denelerin uwlı háb jılan, Birazlardıń ómiri ótti, yaranlar. Men jılarman bir allaǵa zar áylep, Keshe-kundiz jalbarınıp soz seylep, Bul biziń zamandi haramı biylep, Zaman har turlerge dóndi, yaranlar. Yadıma saqlaymi barhama haqtı, Ashqaylar sıyınsam biyriwbar baqtı, Astınan tuskeyler dushpanniń taqtı, Bir basqa bir surgin boldı, yaranlar. Ayra tustim tuwıp ósken elimnen Qartaydım, darmanim ketti belimnen, Yiraq bolıp turǵanım joq elimnen, Bir basqa bir sawda boldi, yaranlar.