qosıq
Keshegi bir kùnlerde
Nájim DáwqaraevKeshegi bir kùnlerde,
Kùn emes qara tùnlerde,
Ùstem bop baydıń tilegi,
Qan sasıtıp tum-tusın,
Bay jaylaģan el kòrdim.
Azıwlı elde ulģayıp,
Tamır jayıp barım ta,
At izinde arıwlar,
Miynetkesh xalıq sandalıp,
Kòzden aqqan qan kòrdim.
Qabırģası qayısıp,
Omırtqası mayısıp,
Eziwlide miynetkesh,
Sezimi joq ań menen teń,
Qarmalanģan jan kòrdim.
Azıwlınıń awzında,
Nayzalınıń aldında,
Eki qolı baylawda,
Malı-janı aydawda,
Jùrgenlerin men kòrdim.
Bulań quyrıq turmısın,
Turaģı joq saģımday,
Qonar saydıń òńirinde
Kòsherińdi jel bilip,
Gùllese jel shuw-degen,
Shubırģan eldi men kòrdim.
Òmir emes òmirdey
Òmiri qara kòmirdey,
Azıwlılar jaylaģan,
Ol bir kùnler kùnbedi.
Tek qaranģı tùn edi.