Eńbek penen turmısıńdı hàsleme

Aljassa moyinlaw aqıl qaymağı, Kim qáteńdi kózge aytsa, paydalı . Betke tusken daqtı, qaranı-aqtı, Korsetiwshi dostım deyber aynanı. Abıroy jıynaw usaydı, lyne qudıq qazģanga. Ídısın qalmay bosaydı, Jónsiz jerde qızganga. Artıqmash erdiń aqılı- Álewmetti basqargan. Burıngınıń naqılı, Aqılsız ģayrat bas jargán. Awırlıqtı kórmegen, Qadirin bilmes mazanıń. Baxıtqa meni bermegen, Turmıstıń sheger azabın. Balası júr bir jerlerde «suw» iship, Ana otır uyqılamastan uw iship. Jigit kelip kórsetken son «koncertin», Júrek qaldı muzday bolıp suwısıp. Bazı birewler aytqan tildi almaydı, Haq adamdı kóz-kóreki aldaydı. Ogan pitken minez ana sútinen, Awırıw qalsa da, ádet qalmaydı. Bolsan eger aqıllı ham bilimli, Úzip qoyma abıroy degen gúlindi. Kópshilikte pátiwasız kópirip, Buzıp alma, begligindi, sınıńdı. Birewlerge heshbir adam jaqpaydı, Tuw sırtınan jamanlaydı, datlaydı. Ólgennen soń górge jalgız kómiler, Ol jaqtan da jaqsılardı tappaydı. Birewlerdiń isleriniň bári ep, Tek aldawdan basqa sirá kári joq. Úyrenisken ádet sirá qala ma, Aqmaqlıqtı emleytuģın dári joq. Jazda etken miynetiń, Qırmanındı kórkeyter. Jasta etken xızmetiń, Mártebeńdi úlkeyter. Jaslarda da jaslar bar, Hadal tuwgan xalqınan. Qálbinde biyik asqarlar, Qıyalı kókke talpıngan. Jurttan jaqsı gáp kúteseń ele sen, Basqalarga nege azar bereseń?! Hesh birewdi tiliń menen tırnama, Eger óziń jaqsı sózdi qáleseń. Ishki sırdı anlamaydı hár kisi, Bala ushın zarlar ana bayģusi. Biybisánem jaltıldağan gúl edi, Tezden qartaytıptı perzent qayğısı. Inge qolın aparģan, Záhár shekken jılannan. Iflas balshiq qopargan, Pataslıqqa bılģangan. Kóp simirse araq-sharap, konyaktan, Garganı da bülbül etip sayratqan. Birazlardı es-aqıldan ayırıp, Qılmıs júklep miliciyaga aydatqan. Kishkentaysań-dese shirkey kónbepti, -Ushsam boyım terek penen teń, -depti. Geshshe shimshıq ayaq sozıp-sháltiyip, - -Aspan, jerdi tirep turman men, -depti. Keń minezli ne bir dana adam bar, Insan kórse, bári onıń dosları. Tikminezli, kelte pikir nadanlar, Jatırqaydı ruwınan basqanı. Nápsi qulı, áy biydáwlet qaraģım, Júz gramģa qızarsa da qulaģıń. Hal ketkenshe kúni-túni simirip, Qurtpaqpısań magazinniń arağın?!