Bardur

Begler táriyp etsem qalpaq yurtını, Xup ájep tamasha elleri bardur, Arif bolıp xak yolına erishken, Murshidiw mukemmel pirleri bardur. Qırı diyqanshılıq, suwı-sámekli, Xár jerde keni bar kórseń námekli, Ǵazlı, qasqaldaqlı, kóli-erdekli, Yeri murǵızarlı kólleri bardur. Bardur qız-jawanı qashları káman, Yuzin taqqas etseń xurshiydi taban, Anı kórgenlerdiń aqlını alǵan, Leyli, Zuleyxaday xurleri bardur. Qız-jawanı bardur ádep-ikramlı, Sádepten dándánlı, qushtek dáxanlı, Shiyrin sheker sózli, sushik ziybanlı, Sánem kibi qıpsha belleri bardur. Bardur periyzadı alma yanaqlı, Lebi pistá sháker kibi dodaqlı, Qumar ala kózli, badam qapaqlı, Zuxre kibi sushik tillári bardur. Alma kóz árebi atdur mingáni, Kóylekshesi zárbap, altın yugáni, Paytabası ushtop, atlas kiygeni, Bay uglı baybetshe begleri bardur, Yigit gezer dawam qısh bilá yazı, Áreb atlar minip álginde bazı, Izinde qulaqı, shashaqlı tazı, Saǵrısında zárbap junleri bardur. Yigitleri bardur Rustem sıpatlı, Goruǵıldek áreb atlı, xaybatlı, Dawletiyardek shujáátli, gayratlı, Keskir qılısh, qamar tonları bardur. Yigitleri bardur Rustami dástan, Kahár etse, dushmannı qılırlar yekseń, Xaybatıdan ditrer Hajar, Hindistan, Góruǵlıbek kibi erleri bardur. Baxadurı bardur yuzge sára-sár, Xudadıń ózgádin qılmas qáwátár, Yuz yigitke, tánxa ózi barabar, Házireti Áliy kibi sherleri bardur. Iskander Zulxarnayın kibi dewranlı, Xázireti Suleyman kibi permanlı, Danıshmand nuktadan shiyrin zibanlı, Molla Mamut degen begleri bardur. Mingeni áreb at moynı ǵılshaqlı, Junleri zárbaptan altın shashqalı, Móxir bar qolında tilla pıshaqlı, Arzı atalıq degen begleri bardur. Bir kúnde atlas toń kiyen mıń álwan, Raqiblerá salǵan qayǵu ǵam duman, Bir kúnde yuz tilla wazıypa alan, Serjan nayıp degen begleri bardur. Artık biyi, Shamurat yáná Qarlıbay, Qalımbet, Ermambet, Xásen, Abılay, Tereniyaz biy jáne Xákim, Nurlıbay, Beli aq pıshaqlı begleri bardur. Bajı-xıraj alur Jemshit, Xirattan Tashkent, Jangent, Dijlá, Xodjent, Pirattan, Atının qazırı besh yuz minattan, Kabıl begler begi begleri bardur. Tóremurat biyiw, Saparniyazı, Qadirbergen, Sadıq hám Abılǵazı, Aytsa áda bolmas Xajıniyazı, Bes júz móxirdarlı biyleri bardur.