qosıq
Yoq meniń
Ájiniyaz Qosıbay ulıQara kózli, shiyrin sózli dilbarım,
Sendin ózge sáwer yarım joq meniń,
Taza gulistanım, maxi ánwrım,
Xásiretińnen xesh qararım yoq meniń.
Seni kórsem bolur meniń kewlim shad,
Jaxannıń ǵamiydin bolurman azad,
Názakat babında qámátiń shámshad,
Sendeyin ózge ulfikayim yoq, meniń.
Nazlı dilbar sensen wafalı jánan,
Xusninniń ráwishine bolarman xayran,
Shıyrın janım bolsa yolında qurban,
Sendeyin ózge súyer yarım yoq meniń.
On eki perdege ekki tar dese,
Jigit sabırın joytar súyer yar dese,
Ziywar aytar, xur-periyler bar dese,
Sendeyin ózge súyer yarım yoq meniń.