qosıq
Kerek
Ájiniyaz Qosıbay ulıBaxadır ǵoshshaq jigitke,
Xalıqqa málim batır mártke,
Berdash berer xayǵı dártke,
Janajan gardashı kerek,
Jigit shıqsa uzaq jolǵa,
Jaw-jaraǵın alıp qolga,
Sermep qılısh onlı-solǵa,
Jol baslar sardarı kerek.
Malı kep sansız baylarǵa,
Aparmay mereke-toylarǵa,
Keynine salıwǵa qoylarǵa,
Qulaǵı kesik kul kerek.
Waqtım ótti sárdar degen,
Sawash bolsa qardar degen,
Bul gápimniń parqın bilgen,
Udayına aytıw kerek.
Sógis keltirip ataǵa,
Isin jiberip kataǵa,
Awıldaǵı kátqudaǵa,
Sanı joq para pul kerek.
Xalıq soraǵan atalıqqa,
Isin juritip qatallıqqa,
Kush berip ónbes salıqqa,
Xalıqtı postırǵan shul kerek,
Kumartıp tegin aqshaǵa,
Adamdı kómip paqshaǵa,
Xalıqtı soraǵan patshaǵa,
Kunde-kunde urıs kerek.
Sorlı puqara xalıqqa,
Qol sozıp bárxá jarıqqa,
Kónbey birneshe salıqqa,
Jaynap-jasnar zaman kerek.
Ómirinshe jarımay pulǵa,
Isi baspay berxa onǵa
Sorqaynaǵan sorlı qulga,
Jaynap-jasnar zaman kerek.
Shad bolıp dewran suriwge,
Payanlı dúnya kóriwge.
Qatar-qurbı menen juriwge,
Ájiniyazǵa zaman kerek.