qosıq
Jaqsı
Ájiniyaz Qosıbay ulıAdam ulı adam qádirin bilmese,
Onnan duzde otlap júrgen mal jaqsı.
Aytqan sózdiń maǵanasın bilmese,
Ol adamnan tilsiz ósken lal jaqsı.
Dúnyaǵa shıqqan soń bergey qudayı,
Den sawlıqtıń bolmas xesh teńi-tayı,
Hár kimniń ózine Mısırdı jayı,
Shukir-sána etiń, qádirin bil jaqsı.
Kisiniń yarına kulip baqqannan,
Shıbın janın ıshkı otına jaqqannan,
Óz boysha turli nasaq taqqannan,
Óz yarıńnıń terbiyasın ber jaqsı.
Giyne qılıp jurttı taslap ketkennen,
Qádirin bilmes jerde xızmet etkennen,
Jat ellerde músápirlik shekkennen,
Urıp-sógip qorlasa da el jaqsı.
Saqlaǵaylar quda patsha qaxrinen,
Jırak saqlaǵaysań shaytan shárinen,
Minnetli pal ashshı bolar záxárden,
Kulip-oynap bergen zaǵara jaqsı.
Tuwrı joldı taslap qıysıq ketkennen,
Dos bolıp dosınan gápin giznegen,
Dosqa qılap qılıp yalǵan sózlegen,
Onnan on bes jasar arbat jaqsıdı.
Jol bilmeseń, jol sorańız bilgennen,
Guder uzbe ıqrarında turǵannan.
Yaman menen qırıq jıl dewran súrgennen,
Yaqshı menen bir dem sáwbetler jaqsı,
Kóp gezdim, yaranlar, shaplı dunyanı,
Ótirikshiniń bolmas antı-iymanı.
Xárgiz jaqınlatpas kelgen miymannı,
Jılagan, mutájdı kuwantqan jaqsı.