qosıq
Bolarma eken?
Kúnxoja Ibrayim ulıBul juristen hayal alıp,
At juwenlep, tokım salıp,
Diydilengen jerlerge barqp
Shadlanar kun bolarma eken?
Ájel qurıǵı jaǵam tuttı,
Jılay- jılay ómir ótti,
Dushpanlar azap kórsetti,
Qutılar kun bolarma eken?
Shapanım dizemdi jappay,
Birin tapsam, birin tappay,
Muradıma shapqan attay,
Jeter kunler bolarma eken?
Qatar qurbı, sarbinazdi,
Saǵındırǵan bahar jazdı,
Jigitlerdiń kórki qizdı,
Kórer kunler bolarma eken?
Qáhári jaman ǵazaptan,
Jábirlendik kóp azaptan,
Miyrimi joq insapsizdan,
Qutılar kun bolarma eken?
Duniyada shalıqlap júrip,
Ata-ana kózin kórip,
Azlı-kópli ómir súrip,
Jurer kunler bolarma eken?
Bes jıl aralap qazaqtı,
Basıma salıp ǵazaptı.
Aman-esen qaraqalpaqtı,
Kórer kúnler bolarma eken?
Qazaq inanar sózime,
Yashlar tógiler juzime,
Kóz túsip kelgen izime,
Jurer kunler bolarma eken?
Bul sezimdi bayan etip,
Aman-esen elge jetip.
Urgenish jurtına ketip.
Shadlanar kún bolarma eken?