Kun qayda?

Ordıq oraq, shaptıq otın, qazdiq jap, Terdik masaq, iynimizge saldiq qap, Jas ómirler guldey bolıp, boldıq sap, Bul juristen endi bizge kun qayda? Oraq orıp, ómir boyı boldıq qul, Islesek te ala almadıq qara pul, Ne jananlar bayı ólip kaldı tul, Endi buǵan jaynap-jasnar kun qayda? Kuni-tuni ordıq pishen, salını, Guzdin kuni jiydik pisken tarını, Ómirinshe bir toymaǵan karını, Ash, jalanash biz sorlıǵa kun qayda? Salıq salıp usı halǵa har dayım, Salıǵın salıwǵa biz boldıq qayım, Bir jutım bul waqta boldı wayım, Bul juristen endi bizge kun qayda? Iyinge tartarlıq jane joq kiyim, Hem de aǵayin joq, qawender beyim, Kósilip jatarǵa jane joq uyim, Bul juristen endi bizge kun qayda? Tapqanımız jetpey qara tengege, Awıstırıp kiyim alıp kiyerge, Hám bazarlq qatar-qurbı jengege, Alıp barar endi bizge hal-qayda? Ne payda, jigitler, jalǵanshı duniya, Aldadı bizlerdi jol salıp qıya, Qara basqa bul ne degen waqıya, Bul juristen endi bizge el qaydan? Ashıǵın bar edi, talmaday boyı, Qatarınan artıq aqıl ham oyı, Bolar dep quwanǵan jaqsılıq toyı Jiyemurat kóretuǵın kun qayda? Jiyemurat, seniń menen edim dos, Jer aydasam, birge barıp saldım qos, Joqshılıqtan, qaldın mine bugin bos, Ashıǵına jetetuǵın kun qayda? Buyaqtaǵı kórgen qorlmq-azaptı, Kuni-tuni etip awır talaptı, Shay ornına ishken ayran shalaptı, Qushaqlasıp aytatuǵın kun qayda? Qayǵıdan qarayıp, qaynaǵan ishi, Bilekten mayrılıp, joq bolǵan kushi, Sayımbetjan ediń bizlerden kishi, Saqtin sinbay juretuǵın kun qayda? Bes jasında aǵan menen qoy baqtın, Sen shopanı boldıń mayda ılaqtıń, Jol tap, jan shıraǵim, sınbasin saqtin, Jaynap-jasnap turatuǵin kun qayda? Qasımdaǵi eki birdey joldasım, Qayǵıliqqa tusti menin bul basım, Kózden kól-dariya bop aqtılar jasım, Bul duniyaǵa shıqqan menen ne payda?