Jigirma beste

Kózdi jumıp biyik tawdan asarsan, Eserlenip janǵan ottı basarsan, Urılarday qızdıń jolın tosarsan, Qazanday qaynaǵan jigirma beste, Shekpennin shalǵayın iynine salıp, Birew kórer me dep barha taysalıp, Ashiqlıqta bir orınǵa taslanıp, Esersoq bolarsan jigirma beste. Jigerlenip shashıp qızıml qanındı', Shasharsan jolına duniya — malındı, Qız desen, qiyarsan shıbın janındı, Qıylanbay is etip jigirma beste. Ashıqtıń jolında ishleri qaynap, Qarlı suwmklarda janlarıń qiynap, Qız keler dep, turar kózleri jaynap, Telmirip, turarsan jigirma beste. Qala ǵoysa sol kun tuni qız shıqpay, Kóp oylap aqırına asıqpay, Ertenine jane barar uyalmay, Arsiz oyin-kulki jigirma beste. Qızlardin jengesin ziyada kórip, Kuni-tuni qalmay keynine erip, «Jengejan, eple» — dep, tapqanin berip, Diywana bolarsan jigirma beste, Ar ushın basındi baygige tigip, Oramal, sharshıǵa barındı tógip, Hayt bolsa, qiz ushın arbandi jegip, Qulpurıp jurersen jigirma beste. Qayta-qayta qaǵip kiyip qurashtı, Boy jasırıp mekem ashıp qulasht', Dalan jerde tasa qılıp ırashtı, Jasırınip jurersen jigirma beste. Dala jerde eplep basıp ayaqtı, Kóz salıp qararsań oyaq-buyaqtı, Orınsız neshe ret jersen tayaqtı, Qız ushın berilgen jigirma beste.