qosıq
Kórerseń
Kúnxoja Ibrayim ulıJasınan jetilp dunyaǵa shıǵıp,
Asıq oynap, oyın topların jıynap,
Jaz bolsa birewdiń ilaǵın baǵıp,
Shóllerdi hám qizıl qumdı kórerseń.
Mańlayıńa pitken malıń bolmasa,
Astına minerge atıń bolmasa,
Hamde qorań tolı qoyıń bolmasa,
Joqshılqtan ne qorlıqlar kórerseń.
Panalap jatarǵa úyiń bolmasa,
Uyińde isherge asın bolmasa,
Keregin waqtinda tayın turmasa,
Birew kelse, jerge kirip ólerseń.
Bala-shaǵań bolsa hammeleri jas,
Kiyerge kiyim joq, bolsa jalanash
Satarǵa malıń joq hámde bolsań ash,
Olarǵa tamaqti qaydan bererseń.
Joq bolsa sawarlıq sawınǵa malıń
Jazdıń kunlerinde ne bolar halıń,
Guze alıp ayran sorap hayalıń,
Kemtarlıqtan kep aqıret kórerseń,