Nayleyin

Ashıqlardıń aytqan zarlı sózlerin, Qulaq salıp ózim bayan áyleyin, Oyayın zalımniń eki kózlerin, Qulaq salıń barin bayan soyleyin. Olardıń dárdinen tisledim barmaq, Zalımlar salǵan son ayamay qarmaq, Bir basıma tusti bul awır salmaq, Ada bolmas isler boldi, nayleyin. Qudiretine ettim ilaya parman, Senin islerińde etermen guman, Kun-kunnen qapılıp baratır zaman, Ada bolmas isler boldı, nayleyin. Qosılısıp qushaqların ashqanda, Dushpanına uwlı zahar shashqanda, Zalımlardan ayra túsip qashqanda, Ada bolmas isler boldi, nayleyin. Aǵa begler, tinla qapılǵan jahan, Ǵáriplikte ettim dushpanǵa pinhan, Qarnım toyıp jemey ketkenim árman, Bir basqa bir sawda boldi, nayleyin. Ǵariplerdin qara bolǵan baxtına, Otlar jaqsam zalim patsha taxtına, Zulım eter udayına xalqina, Ada bolmas isler boldı, nayleyin. Men yıǵlarman yaratqanǵa zar etip, Bul azaptı, bul xorlıqtı nala etip, Azap-aqıret ómirinshe kórsetip, Bir basqa bir ólim boldı, nayleyin. Bul zarımdı meniń kimler biledi. Qara qapıl etti, kózim kórmedi, Nalıs etip giryan bolıp óledi, Bir basqa bir sawda boldı, nayleyin. Ashıqlar yandılar sergil dartinen, Ayrıldılar árman menen martinen, Qudayım saqlaǵay kewil dartinen, Ájep táwir zaman boldı, nayleyin.