Oyda

Men ketkeli boldi jeti jıl, jeti ay, Azap-aqıret penen ómir ótti ay, Elimdi saǵındım, darmanım ketti-ay, Harturli qıyal bar, oylasam, oyda. Ilajmm joq qaldım bayǵa tanılıp, Taspimnen naǵilip qaldım janılıp, Izde qalǵan ata-anamdı saǵınıp, Eljirep kewlim turmas bir jayda. Kirpiksheshen kibi mennen jıyrılıp, Mınaw jurmen bukireyip, iyilip, Arqam jawır boldı qaptan sıyrılıp, Sezimnen bolmasa, kushim joq boyda. Eki qız, bir ul bar ózimnen kishi, Tánimniń madarı, kewlimniń xoshı, Kelerme dep aǵam, uyimnin ishi, Bul kunleri olar eken ne oyda? Talayım baxıtsız, baqtı qaraman, Bul awhalǵa qanday shıdam qılaman. Awılǵa quri qol qaytip baraman, Sonsha jılǵı júrgenimnen ne payda? Jaynap-jasnap, shad bop dáwran súre almay, Ata-ana, tuwısqandı kóre almay, Amanlıqta hal awhalın bile almay, Ah urip, juresen ǵaplette oyda. Jumıstı etsem de jetpedi qolım, Baxtım ashılıp ónbey kep júrgen jolım, Qaltamda joq abbaz shayı bir pulım, Bul duniyaǵa shıqqanımnan ne payda?