qosıq
Qobız
Kúnxoja Ibrayim ulıJıraw seni qolǵa alıp,
Túrli-túrli jolǵa salıp,
Har namańdı oylap alıp,
Bul qosıqtı ayttım, qobız.
Qulaǵıń seniń shıyrılǵan,
Shanaqta teriń jıyrılǵan,
Taqqan tar qılın ayrılǵan,
Ǵanqıldaydı barha qobız.
Adamǵa megzes iyegin,
Xalıqtı jubatıw tilegin,
Jaman qabaktan tiyegin,
Ǵanqıldaydı barha qobız.
Qızlar qaraydı sonına,
Hárkim hawes dawsıńa.
Hámme jan keler qasında,
Jır tógerseń barha qobız.