qosıq
El menen
Kúnxoja Ibrayim ulıBirnesheler kiyip qamqa parshalar,
Altın menen toltırsa da arshalar,
Xalqıńdı sorasa zulım patshalar,
Qassap yańlı kúni kesher dar bilen.
Adamǵa qas etip miyrimi kelmes,
Kim jaman, kim jaqsı parqını bilmes,
Jılasań da kózdiń jasını kórmes,
Patshań jaman bolsa, kúniń zar bilen.
Ulamaǵa kerek tuwrı sózlemek,
Haq jol menen sháriyattı gózlemek,
Xalıqtıń ońarın bárha izlemek,
Baylanısıp túyin sheshiw el menen.
Bir-birewge tuwısqanlıq bermek qol,
Qara túnde sárdar bolıp tappaq jol,
Pitiw ushın udayına ońlı-sol,
Islew kerek barlıq jaǵın el menen.
Aspanǵa usharsań, bolsa qanatıń,
Shad bolarsań, shadlı bolsa elatıń,
Xalqıń menen bolsa tilek-muratıń,
Sapa súrseń uzaǵına el menen.
Aldıńda jol baslar aǵań hám bolsa,
Japtan tuwrı aǵar saǵań hám bolsa,
Ekseń gúliń ǵumshalanıp solmasa,
Kewlim shadlanadı uzaq jıl bilen.
Opasız dúnyada ashılǵan gúller,
Qápestegi sayrap turǵan búlbúller,
Dúnyadaǵı baǵı-hárem shámenler,
Onıń ráwishi, kórki el menen.
Atqa minip dańqın kókke jetirgen,
Qısımlıǵın kúnnen-kúnge ótirgen,
Ózine jaqınnıń isin pitirgen,
Olardıń hám kúni kesher el menen.
Ǵáziyne tolısı altın-aqshanıń,
Háwli-hárem, jáne baǵı-baqshanıń,
Xalıqtı soraǵan xanıw-patshanıń,
Shalqıǵanı ǵarip-qáser el menen.
Máriwertten salınǵan saray jaylardıń,
Aspandaǵı jaqtı juldız, aylardıń.
Malı kóp dúnyada muńsız baylardıń,
Shalqıwına sebep sorlı qul bilen.
Adamnıń kórkeyip adam bolmaǵı,
Kóńildiń shadlanıp, shalqıp turmaǵı,
Kózge túsip ullı ataq almaǵı,
Esiginde úyir-úyir mal bilen.
Aldında jol baslar aǵan hám bolsa,
Japtan tuwrı aǵar suwıń hám bolsa,
Eksen guliń ǵumshalanıp solmasa,
Kewlim shadlanadı uzaq jol bilen.
Opasız duniyada ashılǵan gúller,
Qápestegi sayrap turǵan búlbiller,
dúnyadaǵı baǵıw-hárem, shámenler,
Onıń rawishi, kórki el bilen.
Atqa minip dańqın kókke jetirgen,
Qısımlıǵın kúnnen-kúnge ótirgen,
Ózine jaqınnıń isin pitirgen,
Olardıń hám kúni kesher el menen.
Ǵáziyne tolısı altın-aqshanıń,
Háwli-hárem, jáne baǵı-baqshanıń,
Xalıqtı soraǵan xanıw-patshanıń,
Shalqıǵanı ǵarip-qáser el menen.
Máriwertten salınǵan saray jaylardıń,
Aspandaǵı jaqtı juldız, aylardıń.
Malı kóp dúnyada muńsız baylardıń,
Shalqıwına sebep sorlı qul bilen.
Adamnıń kórkeyip adam bolmaǵı,
Kóńildiń shadlanıp, shalqıp turmaǵı,
Kózge túsip ullı ataq almaǵı,
Esiginde úyir-úyir mal bilen.
Xalıqtıń qatarda xalıq bolıwı,
Qarańǵı túnektiń jarıq bolıwı,
Kókirektiń shadlıqlarǵa tolıwı,
Talap etse, hújim etse el bilen.
Dúnyaǵa biyqarar kelgenin bilmes,
Ya alıs, ya jaqın parqını bilmes,
Joldıń uzaqlıǵın jigit bildirmes,
Sapar shekse jaqsı hadal dos bilen.
Jamanday qılıǵın hárgiz baslamas,
Tarıqqanda kóz jasların jaslamas
Ómirinshe ólmegenshe taslamas,
Joldas bolsań uzaq jolǵa márt bilen.
Maqtımqulı Máǵrip ótti dúnyadan,
Árman menen jollar salıp qıyadan,
Óte almay bógetsiz teńiz, dáryadan,
Ómirinshe kúni ótti zar bilen.
Men yıǵlarman kórip zamannıń túrin,
Bárha bayan etsem sózdiń kelerin,
Dushpanlarım jaydı óziniń zarın,
Kózim girewlendi bárha tún menen.
Men jılap kimlerge nalıs etermen,
Bul dúnyada bul qápesti netermen?
Árman bilen dawalasıp ketermen,
Ólgenimshe ırzalasıp el menen.
Maqtımqulı Máǵriptey aldıńdı bolja,
Ólgensoń alarsań tilińnen olja,
Qısqart sózdi sorı qaynaǵan, Kúnxoja,
Ólgenińshe xoshlasıp ket el menen.