Shalıqlap maqsetli jerge baralmay

Shalıqlap maqsetli jerge baralmay, Qatar-qurbı menen dawran sure almay, Bir tapqanım bir tapqanǵa quralmay, Bes batpannan aspay sol jıl qırmanım. Shını dostım Berdaq shayır, Murtaza, Belgili zatımız aw menen qaza, Duniyadan áwere óttin Kunxoja, Bes kun orınlanbay maqset-muradım. Kunim sennen keshti Aral teńiz, Ashlıq, jawgershilik jıl-jıldan egiz. Seksen bir jıl sennen awqat ettik biz, Aral teńiz, sennen joqdur ármanım. Harkim yadlap, berer bolsan bizge qol, Turli qızıq ham tamasha ketti mol, Osken jerim Ayırsha menen izlim jol, Jetken jeri bir kundadan parmanım. Qatar-qurbı basın qosıp qiyalmay, Qarnım toyıp bir kun tamaq jey almay, Omirlikke putin shapan kiye almay, Joqshılıqtan qurıp dinke darmanım. Birin-biri saǵınbay er menen zayıp, Nan tabalmay posıp jurgen xalayıq, At shoqay, kara elen bizge ılayıq, Turin tanımadım nannıń, jarmanın. Baylar nalısıma qulaǵın salmay, Miynetimdi heshkim esapqa almay, Bir ayǵı talabim jartı nan bolmay: Jigerim qum boldı, tıńlanbay zarım. Birnesheler ketti Shabat, Marmǵa, Bizler qaldıq shıǵır egip jarıǵa, Bir ayına qirqaǵarı tarıǵa, Sol jılı tolmadı meniń qırmanım, Ǵazap etip Xiywa bizdi shaqırıp, Toǵız kunde zorǵa jettik sabilip, Ortaǵa shıǵarıp husnime kulip, Tarıday tógildi namıs hám arım. Kewil bólip kelbetime qaralmay, Miyman bolıp had-jayımnan soralmay, Qayta baslap men aldına baralmay, Kewlimde dak boldı maqsetli zarım. Ómirimshe qırın qaradıń quda, Duniya qızıǵınan áylediń juda, Bir jarımay ómirim bolıp tur ada, Ómirde bir kirmey dinke darmanım. Júregimdi jardı tarshılıq zaman, Qatar-qurbı tenlik bermegen taman, Kunxoja dur atım, urıwım qalqaman, Nan tabılmay ómir boyı jawradım.