qosıq
Suwǵa ketti
Kúnxoja Ibrayim ulıJorǵa mingen jorǵalardan,
Ǵarqıldaǵan ǵarǵalardan,
Sebepker bolıp solardan,
Eki ashıq suwǵa ketti.
Aldı artın oylay almay,
Suwǵa battı boylay almay.
Onshama kóp sóyley almay,
Eki ashıq suwǵa ketti.
Birinin-biri izinen,
Oldim degen yar sózinen,
Ǵayıp bolǵanday kózinen,
Eki ashıq suwǵa ketti.
Qulaq salın aytqan sózge,
Kórinip tur aytsam kózge,
Bayan etpek kerek bizge,
Eki sorli suwǵa ketti.
Yarınıń guyinde ólgen,
Kórip dushpanı tirilgen,
Dushpanlarınan suringen
Eki sorlı suwǵa ketti.