Ata hàm bala

Ómirlik joldası beli qolında, -Palwan ata miywe aġashın kórip júr, Aqlığı da qalmastan júr sońında, Geyde kesent, geyde járdem berip júr. - Ata deydi, kóp sawaldı soraydı, - Bul náliń názik ģoy, quwrap qalmay ma?... Úndemese aldın onın oraydı. - Nàl quwrasa miynet zaya bolmay ma?... Quwramaydı! - dedi ata ulina, Is túyini tarbiyada, jan balam, -Miynet etip adam alsa qolina, Kamalģa keledi ekkenler mudam. - Mınaw nåller qanday miywa beredi, Qashan pisip, qashan olardı jeymiz? -Alma, shiye, ele-aq kózin kóredi, <<Tatlı eken, ata, raxmet» deysiz... - Rastan da dım mazalı bola ma? -Dep soradı, laģı da ol qoymadı. Palwan ata juwap bermey qala ma, Ulına qaradı, júzi jaynadı. - Gúllep turgan shiyelerdi kórdin goy, Onı alıp piskeninde jedin goy, <<<Bunı ekken menin Palwan atam dep, Balalarga maqtanıp ta júrdiń goy. Bul da sonday shiye bolıp ósedi, Bunday da miywasın ház etip jeyseń. Taģı da atańa «raxmet» deyseń! Úsh-tórt jıldan jetiledi, pisedi. Ulı taģı atasına büydedi; - Bul nállerdi qay jerlerden tapqansız? -Ózimizdiń bağımızda ósedi. Ónimli bolsın dep jasında sapqanbız. Mına erikti bes jil burın ekkenmen, Sol jılı, qulınım, tuwıldıń sen de, Mına almanı da sol jıl tikkenmen, Bular da miywesin beredi demde. Jas bala oyına mınanı aldı «Hámme miywe ekse miywe kóp bolar, Miywe eksem» - degen qıyalģa bardı, Oyı orınlansa kewili tolar, Bala ayttı: - bul náldi men egeyin, Siz tutıń, men ózim onı tigeyin, - Kútá jaqsı, bala, onda ege goy, Tek shuqırın ózim qazıp bereyin. Quwandı da ekti bala nálsheni, Topıraq salıp, jaqsı uslap kepsheni; Kúni menen óz isine shadlandı, Bagmanshılıq kári qanday násheli! Jas qanattın ekken náli jetilmek, Jetilip eline kóp miywe bermek, Qosa soqqan xalıq penen júregi, Ullıda, kishide tek te bir tilek.