Yańlıdı

Bul zamanda adamlardıń Birazı adam yańlıdı, Bul zamanda adamlardın Birazı dońız yańlıdı. Birazları tıńlar sózdi, Birazları qızartar júzdi, Adamzatqa salıp tezdi, Yaqshılar ataq yańlıdı. Birazlar qádirin bilmes, Wádesine tayın kelmes, Yaqshı menen bas qosıp júrmes, Tımsal, tákábbir yańlıdı. Tákábbirlikti kóp tutıp, Ótirik aytıp, uw jutıp, Qudayını umıtıp, Biraz adam mal yańlıdı. Bálki alsaq Ermekbaydı, Názeri kún menen aydı, Oylamas alay-bulaydı, Etken isi iyt yańlıdı. Úyinde sonsha malı kóp. Qatardan asqan xalı kóp, Jewge sonsheli nanı kóp, Sonda-dagı joq yańlıdı. Uynidegi eki shopan, Jataq jeri gudi - topan, Ómirinshe kiymedi shapan, Solar yarǵanat yańlıdı. Ústinde jaqsı kiyim joq, Ol biysharada buyım joq, Men sorlını kúter uyim joq. Mısal, yarǵanat yańlıdı. Ermekbaydıń uyinde, Uy ishi óz kuyinde, Atı qaraqalpaq biyinde, Ermekbay ermek yańlıdı. Eki jetimdi yırlatkan, Qara baǵını daǵlatqan, Tekte insan qıp yaratqan, Ermekbay dońız yańlıdı, Asıǵıp aytıp sózini, Kórgensiz dep sókpe bizdi, Bes altı kún kórseń dúzdi, Ermekbaydıń jin yańlıdı.