Aral tarıyxınan

Aydınlı Aral, tilge alsam atıńdı, Sen qozģaysań júrek muhabbatımdı, Óziń kibi tolqınlatıp jırımdı, Yosh bereseń ash! degendey sırımdı. Sırlas bolıp meniń ata-babam da, Aralım dep, ósken seniń jaģańda, Sende olar túrli kásip kár etken, Ata-babalardıń sen kórdiń kózin, Tiliń bolsa aytar ediń tap óziń, Sagan málim kimniń kelip ketkeni, Qaysı ásirde ómirińniń ótkeni. Doslıq sezim tolı júrek boyıńda, Bir waqıtta Taras júrdi boyında, Panaladı, ol da seni anam dep, Sen de qushaq ashtıń, onı balam dep. Jagańda sayrattıń búlbúl Berdaqtı, Aynalańa qurip jatqan shatırdı. Sen kórdiń xalıq ulı talay batırdı, Sheksiz Ústirtlerde bawırın basıp. Joldasınday jattı sağan sırlasıp, Qara bultlar kóship júrdi ústińde, Nurin shaship kún kúlmedi kóksińde, Bult gúrkirep, geyde jarq etip jaqtı, Aspan jarılğanday shaqmaqlar shaqtı: Ala burqan dawlardıń ishinde, Kimler gúreskeni bar ma esińde? <<Baxıt ushin ólsem óldim demespen>>> Dep gúresken erler shiga ma esten! Degendey, Aralım, sır jatır sende, Sırıńa súńgiwge qushtarman men de. Bir kúsh terbep shayqalısıp turganday, Bir tolqınģa biriń kelip urğanday, Jagańa soqlığıp, gå ishin tartıp, Tinımsız suwińa turman qumartip. Tolqınında tariyxlardıń sırı bar, Suw sestinde simfoniya sesti bar. Máńgilikke ashilgan soń jamalıń, Nurdı quship jatırıpsań, Aralım. Qoynında tawsılmas tabıs jatqanday, Paroxodlar alga kárwan tartqanday, Tinbaydı hesh kúndizi hám keshinde, Balıqshılar qosıq aytar ishinde. Kökte shapship tolqınlasa suwlarıń, Ústinde ushıp júr úyrek, quwlarıń, Tawsılmastay, baylıq bolgan xalıqqa, Qoynıń tolı, Aral, hasıl balıqqa, Seniň súwenińdi bir jegen adam, Háwes bolıp júrer jew ushin mudam, Tatqan adam balığıńnan mazalı, Qanday jaqsı deydi, Aral sazanı! Kespeleri «qoy góshinen zıyada» Bekireń belgili pútkil dúnyağa, Ne hasıl balıqlar, Aral, sende bar, Olardı awlawģa qumar adamlar, Balıqshı doslardı kóríp hár kúni Mende súyiwshilik artadı sende, Aralım, men jasap sen menen birge, Jırdan tolqın shashsam deymen ómirge.