Jıl kiyatır

Bıltırǵıdan bıyıl biyik, Tóbesi aspanga tiyip, Bul jáhánge zorǵa sıyıp, Qırıq besinshi jıl kiyatır. Jil basına basshı bolıp, On bir jigit qosshi bolip, Nama salıp sazshı bolıp, Yanvar ayı bul kiyatır. Aspan astına nur tógip, Jer júzine shatrash toqıp, Aqsham batıp, kúndiz shiǵip, Ush jaz alpis kún kiyatır. Kórinedi ay hám juldız, Erli-zayıplı qumar kóz, Biri aqsham, biri kúndiz, Kún menen tún bir kiyatır. Traktor jónip taqlatip, Qızǵınlı túrde shaǵlatıp, Bel, ketpenlerdi saplatip, Jerge «urha-ur» kiyatır. Biziń joldan adasqanlar, Jalqaw menen bas qosqanlar, Házir etip pushaymanlar, Nátiyjede bos kiyatır. Bes júzge plan tolmaǵa, Názerin tuwrı salmaǵa, Qaytpastay baxıt qonbaǵa, Bizge dáwlet qus kiyatır. Adamnıń janın endirip, Qayǵi hásiretti qoydinp, Sazińa búlbil qondırıp, Namańdi shal Gosteatr. Jeńis nama shaldırmaǵa, Planıńdi toltirmaǵa, Xalıqtiıń miyrin qandirmaga, Shalqıp tasıp suw kiyatır. Qus balası dawılpazlar, Aspandaǵı xosh hawazlar, Almabas sonalı ǵazlar, Suw jaǵalap quw kiyatır.