Abbaz Dabılov

Abbaz Dabılov — belgili xalıq shayırı. A.Dabılov XX ásirlegi qaraqalpaq poeziyasınıń rawajlanıwına ayrıqsha úles qosqan talantlı sóz sheberi. Shayırdı dóretiwshiliginde xalıq awızeki poeziyasını, ádebiyatımızdıń hám shıǵıs ádebiyatınıń eń jaqsı dásturleri óziniń kórkemlik birikpesin taptı. A.Dabılov 1898-jilm Taxtakopir rayonınıń Qaraoy awmlında tuwılǵan. Ol medresede okıp sawatmi ashqan, óz dawirinin sawatlı adamlarınıń biri boldı. Usıǵan baylanıslı ol bir qansha waqıt quw dalawǵada túsken. 20-jıllardıń ortalarında jańa uyımlasqan jámáátlik xojalıqqa kiredi, jámáát basqarmasına aǵzalıqqa saylanadı. 1939-jılı A.Dabılov Tórtkulge tartıladı hám ol jerde dóretiwshilik jumıs penen birotala shuǵıllanıwǵa imkaniyat aladı, usı jılı Tashkent, Moskva qalalarına ekskursiyaǵa jiberiledi. A.Dabılov qaraqalpaq ádebiyatınıń hár bir dawirinde óziniń ájayip shıǵarmaları menen belgili boldı. Shayırdıń «Qosıqlar» (1940), «Jeńisler yoshı» (1947), «Alǵa» (1959), «Qosıqlar» (1962), «Jurekke jaqın adamlar» (1965) «Arnaw» (1966) «Temir jol» (1973) «Námart jigit nege dárkar» (1976) hám basqada toplamları basılıp shıqtı. 1950-1957-jılları «Bahadır» dástanı basıldı. Shayırdıń kópshilik shıǵarmaları óz ishine alǵan 1,2,3 tomları (1958, 1967,1972) basıldı. Abbaz shayırdıń kóp ǵana qosıqları ózbek, rus hám qazaq tillerine awdarıldı, toplam bolıp basılǵan. «Bahadır» dastanı 1990-jılı tolıq túrde rus tilinde jarıq kórdi. Abbaz shayırǵa «Bahadır» dastanı ushın Qaraqalpaqstan Respublikasınııń Berdaq atındaǵı mámleketlik sıylıǵı berildi (1990). Ol «Qaraqalpaqstan xalıq shayırı» (1967) hám «Ózbekstan xalıq jırshası» (1945) edi. A.Dabılov 1957-jıldan Jazıwshılar awqamınıń aǵzası.