Námárt jigit nege dárkar?

Xalıq ushın belin buwmasa, Jigitte namıs bolmasa, Watan ushın tuwılmasa, Onday jigit nege dárkar? Xaliq húrmetin kózge ilmegen, Uyat-namistı bilmegen, Watan ushın jan bermegen, Qorqaq jigit nege dárkar? Ózine jaman at taǵıp, Qashıp júrgen basın baǵıp, Óz betine kúуе jaǵip, Jurgen jigit nege dárkar? Puta tubine tıǵılǵan, Hesh nárse kórmeу jıǵılǵan, Bas tartip keyin shıǵınǵan, Jalqaw jigit nege dárkar? Almastan qaytqan polattay, Porsań ayaq jaman attay, Jarıqtaǵı jarǵanattay, Bolǵan jigit nege dárkar? Dushpanına oq atqanday, Xalıq ushın jaının qiymaǵan, Hesh jerge bası siymaǵan, Tayǵaq jigit nege dárkar? Watan ushın oylanbaǵan, Xalqı ushın qıynalmaǵan, Jaraq alıp saylanbaǵan, Námárt jigit nege dárkar? Qulashlap toqpaq urǵanday, Dushpannıń moynin julǵanday, Qaytpas tabanda turǵanday, Márt jigitler bizge dárkar. Arıslan kibi bilekleri, Xalıq birligi tilekleri, Qap tawınday júrekleri, Batir jigit bizge dárkar. Qasi qıyılǵan qumar kóz, Túkli júrek, moynı bir gez, Xalıqtı jırlaǵan shiyrin sóz, Gósh jigitler bizge dárkar. Sóz jaziwda ahiw-zarı, Xalıq ishiniń xabardarı, Adam janınıń injeneri — Jazıwshılar elge dárkar.