Nawayı haqqında

Baylarga sen qarsi gureske shigip, Sóz benen dushpandi nayzalap suǵip, Jáne de qalıpsań qatti tunshiǵıp, Sózińdi nusqaǵa aldıq, Nawayı. Gerat qalasında qalǵan topıraǵı, Tuwısqan-tuwǵanıń jáne urpaǵiń, Sol waqtaǵi jatip qalǵan bul baǵıń, Qaytadan dúnyaga keldi, Nawayı. Bizler kórdik seniń qıssalarıńdı, Oqıp kórip jazǵan nusqalarıńdı, Sóz jóninde uzın-qısqalarıńdi, Bilgen soń xalıqqa jaydıq, Nawayı. Jazıwshılar saǵan ashıq bolıp tur, Qábirińdi kóriwge qashıq bolıp tur, Baylar húkimeti mansux qilip tur, Sózińdi hám, ózińdi hám Nawayi. Seniń sóziń bizge jaqsı ulasti, Bizler ashtıq sizge qarap qulashtı, Tunshıqqan sózińdi zamana ashtı, Jazıwshılar qolǵa aldı, Nawayı. Dúnyaǵa qaytadan keldiń óziń sen, Ayaǵińnan aldiń tat basqan kisen, Bes júz jıldı bes kún boldı men desem, Sen kózime kórinbeyseń, Nawayi. Kórdim suwretińdi saqal-shashıńdı, Aynalıp-úyrilip kórdim basıńdı. Eliw-alpis shamaladım jasıńdı, Kózim jasi bir-bir tamdi, Nawayı. Tanıdıq sózińnen seniń oyińdi, Súwretińnen kórdim seniń boyıńdı, Bıyılǵı jıl bes júz jıllıq toyiridi, Bir kóriwge qumarlımız, Nawayi. Jol bermegen hasla saǵan sum zaman «Zamanıńda xalıqqa shayır atalǵan, Еń izinde Gerat sháhárinde qalǵan», Dep qayǵırdı barlıq shayır, Nawayi. Nawayi Alisher deydi atıńdı, Bizler dushpan tuttıń seniń jatıńdı, Nusqalarda qalǵan shiyrin xatıńdı, Bizler xalıqqa jayıwshımız, Nawayi.