qosıq
Bir páriy
Ájiniyaz Qosıbay ulıZárbáraǵ órilgen tilla shashbaǵı,
Aqıl-xushım alıp ketti bir páriy,
Tal-shıbıqtay qıpsha beli-belbaǵı,
Meni xayran etip ketti bir páriy.
Sáyir áylaban, gezip saatiy zaman,
Shaxsenem, Leylidey jurip párawan,
Jem bolıp turganda bárshe qız-jawan,
Sallana, sallana ketti shul páriy.
Kelip xoshlastırıp kózge yash alıp,
Men xám turdım erip, balqıp bosanıp,
Shemshadi qameti zerge jasanıp,
Meni otqa yaqıp ketti shul páriy.
Xoshlasıp men kalıp, boddım intizar,
Tánimdá qalmadı zárredek mádar,
Men anın ıshqında boldım xorı-zar,
Aqlı-xushım alıp ketti shul páriy.
Tınbas keshke-kundiz kózim giriyanı,
Bolıppan men anın baǵı biriyanı,
Jismimdi órtedi daǵı, xijranı,
Kózde yashım tekip ketti shul páriy.
Kelmes anday dilbar yaqtı-jaxana,
Xusnını menzettim xuwri gulmana,
Dishleri másellik xinji-merjana,
Bu zamanda yoqdur shunday dilbáriy.
Bu elde kórmedim shunındek dilbar,
Kesheni aq yuzi áyler munáwwár,
Kiygen libasının bári altın-zer,
Zıya-zulpı eken mushki ánwáriy.
Yuz álwan dolanur qáddini duzep,
Názerlep kirpigin oq kibi gezep,
Leyli, Zuxra, Sánem kibi xosh ádep,
Eaǵ-irámgá munásipdur shul páriy.
Hárkim aytur, ana xámdám bolsam dep,
Yolında janımdı pide qılsam dep,
Múbárek jamalın jáne kórsem dep,
Ziywardı otlarǵa saldı shul páriy.