Bolmasa

Yaranlar, bir sózdi aytayın sizge, Yigit gezá bilmes yoshı bolmasa, Aqıl bolsań pexim áyle bul sózge, Nege gezsin, kewil xoshı bolmasa. Márt bilen námártni ayırar sawash, Sawash maydanında kerek qarındash, Shul maydanda janıń ketse gewde lash, Márt yigitnin márt qardashı bolmasa. Baxadırlar alla diyip at salur, Námárt yigit shappay maydanda qalur, Islam diyip jawǵa qılıshın urur, Qılısh kesmes, ǵayrat-kushi bolmasa. Ǵosh yigittin mingen atı aylanur, Anı kórip mártniń kewli shaylanur, Alǵanınnıń zıya-zulpı tawlanur, Zulp yarashmas, qalem-qashı bolmasa. Yigittiń shiyrin til xayalı bolsa, Uyine qıdırıp, mehámanı kelse, Alganı sallanıp barını berse, Meháman kutse, bashka isi bolmasa. Aqılı yaqshınıń giynesi bolmas, Yaman adam giyne tutsa umıtpas, Atqa mingen bilen kátkuda bolmas, Yurttan asqan aqıl-xushı bolmasa. Hár kim suwpı bolsa, nápsi kem bolur, Kewli ólip, xalıy jayda gum bolur, Nápsi ólmese yigit bilán teń bilur, Yáne taat — ibadatı bolmasa. Yigit násiyp shegip, yat elgá barsa, Anda barıp shákár bilán bal ishsá, Aǵayın qarındash yadıńa tushsá, Nayláj yurur teńi-dosı bolmasa. Xaq bezirgán yolga shıqsa yarashar. Kun-tun segbir tartıp daǵ, sholden ashar, Bazı waqta kárwan yoldan adashar, Yolın bilgen kárwan bashı bolmasa. Mártte at bolmasa atsha juwırar, Ózinde yoq bolsa, tuship kim berer, Teńinin ishinde ólgendek bolar, Aytta-toyda minár atı bolmasa. * * * Taxt ustinde turan ádil sultanlar, Bir baysha yoq sorar eli bolmasa, Yuráklári at bashıydek batırlar, Katınsha yoq at yaraǵı bolmasa. Mollalar xun chekip xatların yazar, Boynında fotası dárwish el gezer, Bash-bashına bolıp puqara tozar, Xár yurtnıń patshası ádil bolmasa. Qudayım saqlasın zalım patshadın, Tilákinni tilá qadir qudadın, Awam yaxshı mundag molla-xojadın, Kalem yonıp yazar xatı bolmasa. Neler bolǵuwsıdur, bu shın kewiller, Qazan ursa solar ǵunshalı guller, Shámenlerde sayrap turǵan bulbiller, Torǵaysha yoq, qonar guli bolmasa. Bu sózni aytayın, aǵalar, begler, Sóz sóylesem, sózge dushmes gódekler, Ushıp yurgan quwı-ǵazı árdekler, Xalı qarap, dusher kóli bolmasa. Aqır bir kun bolur akır zamanı, Israpıl surgini yıqarlar daǵnı, Qıran quslar kórse ushpaslar annı, Tuw quyrıǵı qos qanatı bolmasa. Aqıyrda yaqshıdan pıǵıllar qashar, Kaǵazdıń yuziden qalmay xat óshár, Yabandaǵı suwsız arıqqa uqshar, Xár kimniń saxawat qayırı bolmasa. Jaqsıǵa mal menen jaman teń bolur, Jaman kóńil jaqsılardan kem bolur, Er jigitler óz teńinen kem bolur, Aydar malı, miner atı bolmasa. Dunyada Ziywarday dártli kisi yoq, Biydártlerdiń anın bilán isi yoq, Jalǵanshıda zárre kóńil xoshı yoq, Yarı ulpet birádarı bolmasa.