Narın

Tawlardıń karnizine órmeledim, Bult serpip qollarımdı sermeledim, «Qudaydıń dachasına» qonıs basqan, Men bunday sulıw eldi kórmep edim. Esitkendi kóz kórdi anıq bolıp, Qarasam taw suwına qanıp bolıp, Kewlimniń tınısh jatqan kóllerinde Qosıqlar oynap ketti balıq bolıp. Bayqasam, izlegenim usı eken, Aq mórdiń aq shatırlı qosı eken. Suw dep meniń ishkenim Suwsamırdan, Suw emes, shayırlıqtıń yoshı eken. Oyda gúl, qırda kók shóp, tawda karıń, Aq Narın, appaq Narın, sulıw Narın, Bir ishken suwıńdaǵı qosıqlardı Men jazıp tawsalmaspan bıyıl-jarın. El awzında ertekseń-naqıl elseń, Shetinen shayır elseń, aqın elseń, Isıq elseń, óytkeni basqalardan Sen kúnge tórt shaqırım jaqın elseń. Kóriwge seni inkar atı xalıq, Jazarma edim tawıńda jatıp alıp! Bul jerlerdiń súwretin qalalarda Úy tórine ildirer satıp alıp. Xalqın aytsesh aq kewli atqan tańday, Watanǵa, partiyaǵa sadıq sonday. Kelesi bes jıllıqtıń esabınan Eńbek etip jaynaǵan jazıq mańlay. Narınnıń qız-kelini ziyrek keler, Iyne tikse naǵısı iyrek keler. Qoshqar menen Jumǵaldıń jigitindey Azamatlar dúnyaǵa siyrek keler. Nesip aydap Narınǵa kelip qaldım, Kewlińdi, tuwısqanım, bilip qaldım. Basıńnan aq qalpaqtı alǵan waqta, Júzińnen qaraqalpaqtı kórip qaldım... Tayarsań sen jazıńda, qısıńda da, Qonaqqa jan-júrekti usınbaǵa, Azamat Aziyanıń bul dástúri Ólmeydi kommunizm tusında da. Qonaǵına bas qoyıp semiz qoydan, «Qonaq kade—kúy tart» dep qomuz qoyǵan. Eki sulıw kúlimlep esik ashsa, Eki sulıw et tartıp, qımız quyǵan. Bul baxıt, ata-baba kóre almaǵan, Qoylarıń semizlikten óre almaǵan. Búgingi shopan súrgen dáwranıńdı Burında bay, manaplar súre almaǵan. Aman bol janıń bolıp, malıń bolıp Júziń jarqın, nanıńız qalıń bolıp, Jasay ber el jaqsısı, xanalasım, Gúlley ber jer jánneti Narıp bolıp!