qosıq
Áy, jigitler, jigitler
Jiyen Jıraw Amanlıq ulıÁy, jigitler, jigitler,
Zamanımız tar eken,
Kómekeyde turǵandı,
Aytalmastay kún eken,
Aytajaǵım, balalarım,
Diyqan bolsań jer ekken,
Kón sharıǵıń keń bolsın,
Bay ulınan bir-eki,
Aytar sóziń kem bolsın,
Óytpese jigitler,
Aytajaqtı ayttırmay,
Bas quwsırlıp jaq bolar,
Bir násiyat, ullarım,
Kóz kórgenin aytayın
Saratanda suwıqtan,
Sarı ala sıyırdıń,
Múyizi qaq jarıldı,
Sarı tal bolǵan biydaydıń,
Dáni astına tógildi,
Qara suwıq qattı urdı,
Bunı, ullarım, biz kórdik.