Armanda

1 Qartaydım, jas bastı ózimdi meniń, Dushpan tıńlamadı sózimdi meniń, Aytsam sarıǵısh bastı júzimdi meniń, Óler boldım bul duniyadan ármanda, Kunxoja ataǵım qaldı keynimde, Mánkur-nunkur perishte bar iynimde, Nala shegip men otırman shul kunde, Keter boldım bul duniyadan ármanda. Duniyalar qursın rahati joq, Dushpanlar qursın mahanati joq, Bul nishik zamandur rahati joq, Mehnetim kóplikten kettim ármanda. Atam óldi, rahatimdi kóre almay, Shalqıp shadı-qurram bolıp jurealmay, Ómirinde shadlı dáwran súre almay, Nigarminan ketip turman armanda. Qurısın bul duniya, ráhát kórmedim, Teńi doım menen oynap kúlmedim. Shuǵıllardiń sózlerine ermedim, Bari bir ómirim ótti ármanda. Bul duniyaniń bizge payanı bar ma, Basqalar menińdey baxıtqa zarma, Ishtim asqatsız júweri jarma, Asqatiqsız kunler juda ármanda. 2 Erimbet aǵamnan jalǵız ul qaldı, Solǵın tartıp baǵ ishinde gul qaldı, Pálek urdı, pútin duniya tolǵandı, Onıń ham ómiri ótti ármanda. Zalımlardıń kóz jasını kórmesin, Bunnan arman shalqıp dáwran súrmesin, Keyingige bunday azap bermesin, Azap berse, taǵı keter ármanda. Ármanlı adamnıń reńi joq bolar, Ármansız quwnaqlı ham de shoq bolar, Bazı birewdin eki kózi oq bolar, Oǵı tiyse sorlı adamǵa ármanda. Bul duniya barın bazar áyleydur, Birnesheler bendege parman áyleyur, Birnesheler shaqaq urıp sóylesur, Tiykarında bilmese, bende ármanda. Ómirin etse árman bilen duniyada, Suyegińiz qalar mánzil qıyada, Indegennen indemegen zıyada, Bolmasa duniyadan óttin ármanda. Balalarım yıǵladı, allaǵa nalıp, Bul yaratqan yurakime dart salıp, Puqaralar bul azaptan jol alıp, Ketpese yurirler barha ármanda. 3 Oylasań, jigitler, dúnya az emes, Móhminlerge ayan berer saz emes, Men jazılıp júrer jerim jaz emes, Sonıń ushın ómirim ótti ármanda. Ármanda etsem de sózim qalırlar, Keyingiler aqılımdı alırlar, Men sorlını kórip dwaǵa qılarlar, Bolmasa duniyadan óttim ármanda. Makqtimqulı, Maǵiriptey aldındı bolja, Saǵan ólim dárkar, joqdur hesh olja, Jiyemurat, jáne atıń Kunxoja, Bul duniyadan óter boldıń ármanda.