Bastı xor áyler

Bul duniyaǵa shıqqan, ǵapıl adamlar, Móhminnin basını bir kun xor áyler. Qayır-saxawatsız zulım adamlar, Tande janımızdı taplap xor áyler. Búlbil kibi bolajaqtı sayrasan, Ǵumshalanıp gúller kibi jaynasań, Ishinde qumǵannıń suwday qaynasań, Onda seniń bar kushindi zor áyler. Baxtı ashılsa solsańdaǵı jan berir, Ay kun bilen nur sawleli nur górir, Harkimge múnasip terde yol berip, Onıń parqın bilgen waqtıń xosh áyler. Aqıl jora, bul sezimdi ǵamde tut, Aspanıw-zámindi alsada ǵungirt, Jel quyıp dumandı, bir kun keter bult., Bult ketse bastı dandana áyler. Jaqsınıń jomartlıq kirer kewline, Oniń quda berer ıǵbal-peyline, Jaqsısına xalıq erer qalmay keynine, Jamannan bas bolsa bastı xor áyler. Sarkardaǵı aqıl-dana mol kerek, Júrer soqpaq, tuwrı guzar jol kerek, Sapası kóp, quwat-kushli qol kerek, Bulardayın bolsa kushi zor áyler. Anamnan tuwǵalı ashılmay kózim, Alladı bir ózi, men ham bir ózim, Ah ursam aspanǵa: jeter bu sezim, Waqtım xosh bolmasa, dat-páryat áyler, Jiyemurat ediń tánde quwatım, Ah urǵanda belde dárman-mádetim, Seni aytpaq uyrenisken ádetim, Shayır Xoja aǵay dat-paryad áyler.