qosıq
Oraqshılar
Kúnxoja Ibrayim ulıPolat oraǵı qolında,
Júrgen talaptın jolında,
Atizdıń oń solında,
Júrgen kun-tun oraqshılar.
Iyninde kúnlik shapanı,
Pakalǵa tırnalıp sanı,
Barqulla qıynalıp janı,
Atızda jur oraqshmlar.
Belleri tómen bugilip,
Onnan da beter iyilip,
Kózinen jası tógilip,
Zar jılap júr oraqshılar.
Tuwǵan jerlerin saǵınıp,
Qayǵıdan haykel taǵınıp,
Hal sorasqanǵa shaǵınıp,
Qayǵıda jur oraqshmlar.
Ósken jerine jete almay,
Jumıstı taslap kete almay,
Asqar qumlardan óte almay,
Qayǵida jur oraqshmlar.
Tapqanı jetpey tıyınǵa,
Isi aynalıp qıynıǵa,
Kele almay toyǵa, jıyınǵa,
Zar jılap júr oraqshılar.
Haqı azdur, hesh tınbaydı,
Tande janı qıynaladı,
Jipsiz kibi baylanadı,
Oyǵa talǵan oraqshılar.
Ne qılsmın olar qıylanbay?
Jumıs isleydi bir tınbay,
Awıl-eline qayta almay,
Júrgen minaw oraqshılar.
Qarasań juzleri sarı,
Orǵanları pisken tarı,
Bul islerge kelip arı,
Júrgen mınaw oraqshılar.
Awılǵa aman qaytqaysız,
Balalarındı quwantqaysız,
Dushpanlardı munaytqaysız,
Xosh aman bol, oraqshılar.