qosıq
Bay balası
Kúnxoja Ibrayim ulıAstina minip jorǵani,
Kiyipti ónkey torqani,
Qasinda bolıs, porqani,
Sonday bolar bay balası.
Tarlıqtı heshbir oylamas,
laq shawıp toydan qalmas,
Aytqanına qulaq salmas,
Menmen bolar bay balası.
Jaman bolsa da jaqsıday,
Ataǵı bar aytarlıqtay,
Kelgen sózlerge tartınbay,
Sóyler erkin bay balası.
Qızlardı kórse qızıǵıp,
Sóz salǵansha asıǵıp,
Jayranlaydı, jurmes buǵıp,
Sonday erkin bay balası.
Bolsadaǵı murnı pushıq,
Minq-minq etip aytar qosıq,
Kelbetin qarasan-pasıq,
Sonda da zor bay balası.
Arqası bolsa da bukir,
Halın bilip etpes shukir,
Ishi qara tolǵan pikir,
Ardanlaydı bay balası.
Awzı jırtıq bolsadaǵı,
Esitpese de qulaǵı,
Qıysıq bolsa da ayaǵı.
Duziw-sanli bay balası.
Bolsadaǵı kózi soqır,
Etse daǵi murnı pır-pır,
Merekede aldında otir,
Sonday sulıw bay balası.
Qol sozıp ushqan quslarǵa,
Salqın tusirip jazlarǵa,
Názer taslaydı qızlarǵa,
Kewli ósip bay baylası.
Qızlardıń ishi kúyedi,
Basların jorta iyedi,
Hárkim tapqanın túyedi,
Toy baslaydı bay balası.