Umıtpaspan

Omirimde bir is kórdim, Bunı hesh waq umıtpaspan. Jańa edim ham gónerdim, Onı hesh waq umıtpaspan. Xiywa xannan adam keldi, Shuwlatıp ham barlıq eldi, Qaıstırıp mıqlı beldi, Bunı hesh waq umıtpaspan. Shıbın janǵa ǵazap etti, Sonda bizge derek jetti, Xiywa xanı alıp ketti, Bunıdaǵı umptpaspan. Aydadı bizdi Xiywaǵa, Qoymay bir maydan sawaǵa, Dart usteme boldı dawaǵa, Bunı hesh waq umıtpaspan. Qayıqqa mindik darǵada, Kóp oylandıq ol jaǵada, Jılastı ini aǵada, Bunı hesh waq umıtpaspan. Darǵadan óttik arjaqqa, Intizar boldıq berjaqqa, Juresen dedi sol jaqqa, Onındaǵi ummtpaspan. Bes-altı baqa quraldı, Bul istiń jóni soraldı. Kewil har iske taraldı, Omirimshe umıtpaspan. Kóz jas tógilip dalaǵa, Qaramay ata-balaǵa, Keldik ataqlı qalaǵa, Bunı heshbir umıtpaspan. Ush aǵash tur ken maydanda, Ornalasıp qizil qanǵa, Qıyılıp ham shıbın jan da, Turǵanların umıtpaspan. Bul dar eken kóringen, Kóp adamlar ildirilgen, Tabanları tildirilgen, Bulardı hesh umıtpaspan. Adam ólgen jayıp qushak, Kózdiń jası monshaq-monshaq, Qollarında ótkir pıshaq, Jallatlardı umıtpaspan. Kirdik qalaǵa tez júrip, Antaladı iytler úrip, Taxt ústinde dáwran súrip, Turǵan xandı umıtpaspan. Ertenine xanǵa bardıq, Jay jaǵdaydı ham de ayttiq, Etti bizlerge jamanlıq, Bunı hesh waq umıtpaspan. Jıyılıptı gullan baqsı, Kimi jaman, kimi jakqsı, Jasawıllar bolıp saqshı, Sinaǵanin umıtpaspan. Sonǵı kúni keldi gezek, Jaz kunler ham boldı guzek, Boldım sonda jetim gójek, Bulardı hesh umıtpaspan. Sherttim duwtar, ayttım qosıq, Kewilimde qaynap yoshıp, Tabılmadı heshbir doslıq, Dushpanlıǵıń umıtpaspan. Baqsılarǵa bayraq berdi, Jaqsılardı jaman kórdi, Lapgóy dep shawqım kóterdi, Bunı hesh waq umıtpaspan. Akeldi aldıma tuye, Jaǵıldı betime kuye, Olimtikke boldım iye, Bunı hesh bir umıtpaspan, Xiywa xan keldi qasıma, Saldı záwlimdi basıma, Qaramay aqqan jasıma, Turǵanların umıtpaspan. Qotır tuye bayraq aldım, Basqasınan qurı qaldım, Omirlikke tamǵa etip, Umıtpasqa oyǵa saldım. Men oyladım sol waqıtta: «Xan aqılsız» — del taxtta, Óz isime bolıp puxta, Jurgenimdi umıtpaspan. Xiywadan alǵan sıyım sol, Awılǵa qarap tarttım jol, Baylandı ábden eki qol, Bul qorlıqtı umıtpaspan. Qaytıp Xiywaǵa kelmespen, Sóz ayttı sir demespen. Óz erkimdi hesh bermespen, Qorlıqların umıtpaspan. Qorlıǵı ótti ózime, Jaslar keltirdi kózime, Qalǵanlar qarar sózime, Bunı daǵı umıtpaspan.