Tuye ekenseń

Shók degende shógermiseń Kóp jasaǵan tuye ekensen. Toqtamıstan arraǵıraq, Shinǵıs xandı bilermiseń Sizge aytaman, tuye jora, Bir kóziń kór, arqan jara. Pirińizdur Oysılqara, Onı narım bilermiseń? Janlıq piri Shopan ata, Maldı piri Zangi baba, Jılqı piri jılqıshı ata, Olardı hám bilermisen? Patshalıq jol sonnan qalǵan, Qustı jıynap zawal salǵan, Jer juzine pagsha bolǵan, Suláymandı bilermiseń? Túye bolsan maldan ozǵan, Buwra kórsen, arkan qozǵan, Shilpe-shilpe kózin tozǵan, Barin tuyem, kórermiseń? Qozǵalmaysań tiygendey oq, Moynińda ájel qurıq, Aytjanımnan xabarıń joq, Bir juwabın berermiseń? Shılbır emes, buydan awır, Qurtlar jegen qatpa bawır, Uzın arıq, arqan jawır, Tuwǵanińdı bilermiseń? Shınǵıs xannan berregirek, Mademinnen arraǵıraq, Kiyip ótken zer — zerbarak, Madireyim xandı bilermisen? Adamzat penen isiń joq, Iyeler seni qısın joq, Awzıda jalǵiz tisiń joq, Jantaq jewdi bilermiseń Oylap-oylap, oylap tursam, Sháhárge paytax jar ursam, Tóbelep et qılıp soysam, Nasıbay pulı bolarmısań? Patshaniń senseń jas malı, Uqsaǵan malǵa dumsalı, Mádemin xannıń bas malı, Jeti atańdı bilermiseń? Jahanniń kelgen apatı, Shahnıń bergen bizge atı, Xiywa xannıń ziyapatı, Jol qárejet bolarmısań? Semirsin dep jem berdime, Jem berse de kem berdime, Qantarıptı dem berdime, Bunı narım bilermiseń? Kel degende kelermiseń, Ot jeymen dep jurermiseń, Kózin soqır, suwsarmısań, Usı waqıtta ólermiseń? Sende quwrap qalǵan tikesh, At qoshshılar, buydasın shesh, Qara buyra qıysıq erkesh, Zamanında túye ekenseń. Ospey shiqpay qalǵan juniń, Ozi jasıq arıq etiń, Haram ólip, duzde kónip, Qalatuǵın tuye ekenseń. Kulki bolıp yarǵa, dosqa, Shejiredegi qalǵan nusqa, Bunnan jaqsı ketken bosqa, Kóp jasaǵan tuye ekenseń. Ayrı órkesh, kelbetiń zor, Kóp jas minip, qurıptı tor, Qartayǵanda bolıpsań xor, Zamaninda túye ekenseń. Sennen tuwǵan taylaq bolsa, Bul da bergen sıylıq bolsa, Tólin menen bayraq bolsa, Ónip-óser túye ekenseń. Kóp jasaǵan túye olja, Maqtımqulıday aldın bolja, Záwre bolǵan Kunxoja, Zamanında túye ekenseń.