Asarman

Ishten ashıp jasırılǵan sırlardı, Dáriyadayın máwjirermen tasarman, Korsetip dushpanǵa sańsız qırlardı, Xalıq birikse, asqar tawdan asarman, Fám áyleńiz Ótesh shayır sózinen, Qanlar aǵar bul kúnlerde kózinen, Dushman qashsa, quwıp jeter izinen, Xalıq penen eńsesinen basarman, Qolǵa qılısh, semser, nayza alsam da, Dizelesip dushpanıma salsam da, Jalǵız júrip Rústemdey bolsam da, Qanshelli berik bolsamdaǵı basarman. Ketermen, ketermen ullı kól bilen, Sapar shekseń sharshamastan jol bilen, Sárdar tapsam aqıl dana mol bilen, Asıw-asıw asıwlardan asarman, Sárdar bolmay jekke júrseń juwırıp, Dushpan alar okpe bawrın suwırıp, Quwırmashǵın qazanǵa salıy quwırıp, Seksewil qozına ayaq basarman. Jigitler birikseń almas jawın joq, Jigitler birikseń pitpes dawın joq, Hesh waqıtta oylanbasań sawın joq, Oylansań, birikseń tawdan asarsań. Násiyatım usı oylasań doslar, Hesh waqıtta xor bolmas birikse baslar, Bul maqsetke qosıl ǵarrı hám jaslar, Bul aytqanım bolsa qırdan asarman. Kóp penen isleseń enbek bolmas hesh, Asıw-tasıw dáriyalardan tezden kesh, Olgenshe xalıq jırın jırlaydı Ótesh, Sózim menen ólsem júzge asarman.