Aytbay Bekimbetov

Aytbay Bekimbetov — jazıwshı. A.Bekimbetov 1919-jılı 5-mayda Tórtkúl rayonınıń «Ullıbaǵ» awılınla tuwılǵan. 1939-jılı Tórtkuldegi medicinalıq uchilisheni, 1944-jılı áskeriy aviaciyalıq ushqıshlar mektebin pitkergen, ekinshi jáhán urısınıń qatnasıshısı. Urıstan sonǵı jılları A.Bekimbetov Tórtkulde rayonlıq partiya komitetinde, rayonlıq miliciya bóliminde isledi. Soń ishki isler ministrliginde jınayat qıdırıw bólimin basqardı. A.Bekimbetov 50-jıllardıń baslarınanaq ádebiy dóretiwshilik penen shuǵıllanǵan. Onıń «Awır taǵdirdi jeńiwshiler» (1957), «Sırlı izler izinen» (1963), «Awır sınaqlar» (1975), «Ájayıp awıllar» (1970), «Gúres» (1961) sıyaqlı povest hám romanları qaraqalpaq prozasında belgili orın iyeleydi. Onıń kóplegen shıǵarmaları ózbek hám rus tiline awdarılǵan. «Sırlı izler izinen» shıǵarması ushın oǵan Qaraqalpaqstan Respublikasının Berdaq atındaǵı mámleketlik sıylıǵı berildi (1972). A.Bekimbetov Ózbekstan hám Qaraqalpaqstan Respublikasına miyneti singen mádeniyat xızmetkeri. A.Bekimbetov 1958-jıldan Jazıwshılar awqamınıń, aǵzası.