Gúlaysha Esemuratova

Gúlaysha Esemuratova — jazıwshı. G.Esemuratova 1930-jılı 18-fevralda Shımbay rayonında tuwılǵan. Ol 1951-jılı Qaraqalpaq mámleketlik pedinstitutın pitkerip, sol jıldan baslap «Jas Leninshi» gazetasında bólim baslıǵı, 1957-60-jılları «Jetkinshek» gazetasıda, «Ámiwdarya» jurnalıda bólim baslıǵı, «Aral qızları» jurnalınıń bas redaktorı bolıp isledi. Jazıwshınıń «Keste» (1969), «Xalmurat jurgish» (1971), «Ayday qız» (1980), «Qızım saǵan aytaman» (1981), «Jiyren» (1975), «Sonǵı guwalar» (1990), «Mıń da bir keshirim» (1991), «Duwdendegi dápter» (1992), «Shmǵarmaları I, II tomlıǵı» (1995-1997), «Bári ómir haqqında» (11 tom) (2000), «Dáwirler nápesi» (IV tom) (2009) degen povest, hám gurrinler toplamları basılıp shıqtı. Ol F.M.Dostoevskiy, B.Maylin, Chaykovskiy, Shestinskiylerdin bir qatar shıǵarmalarmın Qaraqalpaq tiline awlarǵan. G.Esemuratova «Qaraqalpaqstan Respublikasına miyneti singen mádeniyat xizmetkeri» húrmetli ataǵına iye. Qaraqalpaqstan Respublikası Joqarǵı Keńesiniń Húrmet jarlıǵı menen sıylıqlanǵan, oǵan Qaraqalpaqstan Jazıwshılar awqamınıń sıylıǵı berilgen. G.Esemuratova 1972-jıldan Jazıwshılar awqamınıń aǵzası.