Joldasbay Dilmuratov

Joldasbay Dilmuratov 1928-jılı 5-mayda Shımbay rayonında tuwılǵan. 1950-jılı pedagogikalıq institutın sırttan oqıp tamamlaydı. J.Dilmuratov Shımbay rayonındaǵı A.S.Pushkin atındaǵı segiz jıllıq mektepte muǵallim hám direktor bolıp isleydi. 1952-jıldan baslap «Sovet Qaraqalpaqstanı» gazetasında ádebiy xızmetker, sońınan teleradio komitetinde aǵa redaktor lawazımlarırnda isleydi. Onıń daslepki qosıqları 1948-jılı járiyalandi. Hazirge shekem oni «Jaslıq yoshı» (1954), «Qaraman» (1961), «Júrek alǵısı» (1966), «Náwbaxer» (1973), «Gúller ashılǵanda» (1976), «Zaman zawqı» (1983), «Sen meniń ilhamimsań» (1988) siyaqlı toplamlari baspadan shıqtı. 1992-jılı onıń «Tańlamalı shıǵarmaları bir tomlıǵı» basıldı. J.Dilmuratovtıń balalarǵa arnalǵan qosıqları, poemaları házirgi poeziyada belgili orın tutadı, bulardiń qatarında shayırdı «Ómir guli» (1958), «Artekte» (1969), «Kiyikler» (1976), «Jolbarıstıń taǵdiri» (1980) hám basqada toplamların atap ótiwge boladı. Shayırdıń ayırım shıǵarmaları ózbek, qirǵız tillerinde jariyalanǵan. J.Dilmuratov Qaraqalpaqstan hám Ózbekstan Respublikasına miyneti singen mádeniyat xizmetkeri. Ol Ózbekstan Respublikası Joqarǵı Keńesiniń Húrmet jarlıǵı menen sıylıqlanǵan. J.Dilmuratov 1955-jıldan Jazıwshılar awqamınıń aǵzası.