Jumaniyaz Óteniyazov

Shayır J.Óteniyazov 1959-jılı Taxtakópir rayonında tuwılǵan. Ol 1984-jılı Nókis mámleketlik universitetiniń huqıqtanıw fakultetin pitkergennen keyin Qaraqalpaqstan televidesniyesinde hám radio esittiriw komitetinde redaktor, sonınan «Qaraqalpaqstan baspasında redaktor, Qaraqalpakstan Respublikasınıń ishki isler ministirliginiń baspa sóz orayı baslıǵı lawazımın atqaradı. Bugingi kúnde ishki isler ministrliginiń insan huqıqların qorǵaw bolimshesiniń bas másláhátshisi bolıp isleydi. Shayırdıń «Jańa jıl» (1988), «Sholaq jayın» (1991), «Eki maqtanshaq» (199), «Tınıshlıq saqshıları» (1996), «Umit shuǵlası» (2006), «Uzın hám kelte» (2007), «Watandı súyip jasa» (2007) degen toplamları, «Ananıń júregi» (1987), «Sekseninshi jıllar» (1989), «Aydos biydiń ármanı» (2007) poemaları baspalan shıqtı. Ol A.S.Pushkin, YU.M.Lermontov, V.Gogol, K.D.Ushinski, K.Chukovskiydiń bir qatar shıǵarmaların qaraqalaq tiline awdarǵan. 2006-jılı Qaraqalpaqstan Respublikasınıń Joqarǵı Keńesiniń «Húrmet jarlıǵı» menen sıylıqlanǵan. J.Oteniyazov 1992-jıldan Jazıwshılar awqamınıń aǵzası.