Shawdırbay Seytov

Shawdırbay Seytov 1937-jılı 16-martta Nókiste tuwılģan. Ol dáslep Moskvadaģı M.Gorkiy atındaģı ádebiyat institutın pitkeredi. Sońınan Qaraqalpaq mámleketlik universitetin pitkergen. «Ámiwdárya» jurnalının redaktsiyasında, televedine hám radio esittiriw komitetinde, «Qaraqalpaqstan» baspasında, Qaraqalpaqstan ASSR Jazıwshılar awqamında jumıs isleydi. 1970-jıldan baslap burınģı Awqam jazıwshılar sholkeminiń aģzası. Ol ádebiyat maydanına «Soqpaģım meniń qaydasań?» (1966) degen toplamı menen jar salıp kelgen shayır. Onıń «Úshpelek» (1964), «Tawlardan saza» (1970), «Jollpar» (1988) qosıqlar toplamı, «Qashqın», «Kóp edi tırnalar» (1969), «Iģbal soqpaqları» romanı (1975), «Xalqabad» (1978, 1981, 1989) roman-tetralogiyası, «Shırashılar» romanı, «İsine tirkelip tigilsin» povesti (1986), «Jamanshıģanaqtaģı Aqtuba» romanı (1992) baspadan shıqtı. Sh. Seytovtıń «Dárbent» poemasında xalıqlar ortasındaģı urıslardı eske túsiriw arqalı paraxatshılıq sózine úlken máni beredi. Jazıwshı 70-jıllarģa kelip birotala romanlar dóretiw jolına ótip, dáslep «Iģbal soqpaqları», sońınan «Xalqabad» roman tetralogiyasın, «Shırashılar», «Jamanshıģanaqtaģı Aqtuba» romanların jazadı. Olardıń ideya-tematikalıq baģdarları, janrlıq qásiyetleri, syujetlik-kompozitsiyalıq qurılısı bir-birin qaytalamaydı, hár biri óz aldına qaytalanbas kórkem dúnyalar esaplanadı.