Xalmurat Saparov

Xalmurat Saparov — balalar shayırı X.Saparov 1932-jılı 20-martta Shımbay rayonında Qasım Áwezov atındaǵi ijara xojalıǵında tuwılǵan. Ol orta mektepti pitkergennen soń 1952-1956-jılları Qaraqalpaq mámleketlik pedinstituınıń filologiya fakulıtetinde oqıydı. Miynet jolın 1956-jılı «Jas Leninshi» (hazirgi «Qaraqalpakstan jasları») gazetasında ádebiy xizmetker bolıp islewden baslaydı. Ol sońınan bólim baslıǵı, juwaplı xatker lawazımıda xızmet etedi. 2002-jıldan baslap «Jetkinshek» gazetasında bólim redaktorı bolıp xizmet atqardı. Shayırdıń «Nalshe» (1959), «Jas usta» (1961), «Qurqıltay» (1965), «Baxıtlı balalıq» (1966), «Ayǵa ushıp barǵanda» (1970), «Meniń kúnlerim» (1977), «Quslar menen sırlasqanda» (1978), «Altı dawran» (1982), «Watan suńqarı» (1984), «Tabiyat óz úyimiz» (1990), «Quyash balalarımız» (1992), «Bala baqsha qosıǵı» (1994), «Tabiyatqa sayaxat» (1997), «Kásibim-maktanıshım» (2004), «Sap denede-sap aqıl» (2006), «Kiyikler» (2009). qosıqlar toplamları basılıp shıqtı. Onıń «Jas usta» qosıqlar toplamı 1970-jılı Tashkentte ózbek tilinde basıldı. «Qawınniń shiresi» (1987), «Qasqırlar menen betpe-bet» (1996) gúrrińler toplamı «Qaraqalpaqstan» baspasınan jarıq kórdi. Balalar shayırınıń «Jiyren tay» (1973), «Sheber qollar» (1981), «Atam menen ángime» (1988) dep atalǵan qosıqlar toplamları «Qaraqalpaqstan» baspasınnan rus tilinde basılıp shıǵarıldı. «Bala hám tayınshaq» (1981) Tashkentte, «Eger erte tursań» (1982) toplamı Moskvada «Detskaya literatura» baspasında rus tilinde shıǵarıldı. Shayır qosıqları belarus, moldavan, tatar, qumıq, bashkurt, qazaq, turkmen hám basqada xalıqlar tillerine awdarıldı. X.Saparov 1984-jılı «Baxımtlı balalıq», «Qurqıltay», «Ayǵa ushıp barǵanda» hám «Jiyrentay» qosıqlar toplamları ushın Qaraqalpaqstan Respublikası Berdaq atıdaǵı mámleketlik sıylıqtmı laureatı boldı. Sonday-aq, oǵan 1982-jılı «Qaraqalpaqstan Respublikasına miyneti singen mádeniyat xızmetkeri» húrmetli ataǵı berildi. Ol Ózbekstan hám Qaraqalpaqstan Respublikasınıń. Joqarǵi Keńesi Prezidiumınıń Húrmet jarlıqları menen sıylıqlandı. X.Saparov 1961-jıldan Jazıwshılar awqamınıń aǵzasi.