Yaqıpbay Ájimov

Yaqıpbay Ájimov — shayır hám jazıwshı. Y.Ájimov 1955-jılı Kegeyli rayonınıń «Jalpaq jap» awılında tuwılǵan. Ol 1978-jılı Nókis energetika texnikumın, 1984-jılı Nókis mámleketlik universitetiniń qaraqalpaq tili hám ádebiyatı fakultetin ondiristen qol uzbey pitkerip shıqqan. Y.Ájimov 1982-jıldan baslap 2001-jılǵa shekem «Jetkinshek» gazetasında, «Aral», «Rumsha», «Ámiwdárya», «Qaraqalpaqstan» jurnallarında túrli lawazımlarda jemisli islegen. 2001-jıldan usı kunge shekem Qaraqalpaqstan Respublikası «Ruwxıylıq hám aǵartıwshılıq» Orayı baslıǵınıń orınbasarı bolıp islep atır. Y.Ájimov mektepte oqıp júrgen gezlerinenaq ádebiyatka ayrıqsha ıqlas qoyǵan. Onıń «Awılım» atlı tuńǵısh qosıqtı 1970-jılı rayonlıq gazetada basılıp shıqqan. Hazirge shekem onın gúrrińler, qosıqlar, erteklerden ibarat «Quyash sónbeydi», «Men súyemen gúllerdi», «Aq quwlar atawı», «Bar ekende, joq eken» atlı tert kıtabı «Qaraqalpaqstan» baspasınan basılıp shıqqan. Y.Ájimov awdarmashı sıpatında D.Defo, A.Tolstoy, A.Pushkin, K.Chukovskiy, V.Shukshin, A.Aripovxlt jazıwshı shayırlardıń shıǵarmaların qaraqalpaq tiline awdarıp, baspa sózde járiyaladı. Ol 2000-jılı Qaraqalpaqstan Respublikası Jokarǵı Keńesiniń «Húrmet jarlıǵı» menen sıylıqlandı. Y.Ájimov 1995-jıldan Jazıwshılar awqamınıń aǵzası.